प्रश्नः नेपाल पशुपन्क्षी औषधि ब्यबसायी संघमा तपाइको सहभागिता अनि कहिले देखि कुन कुन पदमा रहेर काम गर्नु भयो?

जवाफः नेपाल पशुपन्क्षी औषधि ब्यबसायी संघमा म बागमति शाखाको सदस्य, केन्द्रिय कार्यसमितिको सदस्य र कोषाध्यक्षको रुपमा काम गरिसकेको छु। केन्द्रिय कोषाध्यक्ष हुदा मैले टिम बनाएर काम गरेको थिए। जुन कुरा कार्यसमितिका सम्पुर्ण पदाधिकारी, सदस्य लगायत सम्पुर्णलाई थाहा भएकै कुरा हो।

प्रश्नः संघको आसन्न अधिबेशनमा तपाइको उम्मेदवारी किन र के को लागि?

जबाफः आसन्न महाधिबेशनमा मेरो उम्मेदवारी उपाध्यक्ष (आयात) पदमा रहने छ। मेरो यो उ्म्मेदवारी भनेको सम्पुर्ण ब्यबसायीहरुको हकहितको संरक्षणको लागि हुनेछ। मैले तिनै तह खुद्रा, थोक र आयात तर्फको ब्यापार गरिसकेको भएकोले ब्यबसायीहरुका समस्या के हो भन्ने कुरा मलाई राम्रै सित थाहा छ। ब्यबसायी र ब्यबसाय भित्रका समस्या समाधान गर्नको लागि टिम बनाएर काम गर्नेछु। मेरो उम्मेदवारीले एउटा महिला नेतृत्व पनि कसरि सबल रुपमा अगाडि बदन सकिदो रहेछ भन्ने पनि देखाउने छ।

प्रश्नः तपाईंको एजेन्डा हरु के के छन?

जवाफ़ः सम्पुर्ण भेटेरीनरी पेशा संग सम्बन्धित समस्या र चुनौतिहरुको समाधानका साथै पेशागत हक हितको संरक्षण गर्नु नै मेरो प्रमुख एजेन्डा हो। जुन मैले बुदागत रुपमा प्रस्तुत गरिसकेको छु।

प्रश्नः तपाइँको जितको आधार के हो?

जवाफः तमाम ब्यबसायी साथिहरु संगको सामिप्यता र आत्मियता अनि मैले काम गर्न सक्छ भन्ने सम्पुर्ण ब्यबसायी मित्रहरुको म प्रतिको आशा र भरोसा नै मेरो जितको आधार हो।

प्रश्नः तपाईंको जितमा तपाईं महिला हुनाको कारण कुनै समस्या छ कि छैन?

जवाफः महिलाले के गर्न सक्छ भन्ने प्रश्नको जवाफ मलाई दिनु छ। महिलाले के गर्न सक्दैन र? होला सबै महिलामा एकै किसिमको क्षमता नहोला। समग्रमा भन्नु पर्दा म मा पनि क्षमता र खुबि छ, कुनै पुरुष भन्दा कम छैन भनेर म प्रमाणित गरेर देखाउछु।

प्रश्नः तपाइको जित पछि तपाइको पहिलो प्राथमिकता के हुनेछ?

जवाफः मेरो जित पछि मलाई कुनै ब्यबसायिक लाभ कुनै लिनु छैन। यहाहरु सबैलाई थाहा नै छ हामि अहिले कुन अबस्थामा छौ भनेर। हामिले कतिको सेवा र सुबिधा ब्यबसायीहरुलाई दिई रहेका छौ भनेर यहाहरुलाई थाहा नै छ। त्यसैले म उपाध्यक्षमा निर्वाचित भए पछि सम्पुर्ण ब्यबसायीहरुको समस्या र चुनौतिलाई ्प्राथमिकताका साथ काधमा बोकेर समाघान गर्नको लागि हिड्नेछु। आगामि समय बिशुद्द संघको काम र सामजिक कार्यको लागि दिनेछु। यो पछि पनि म संघको कार्यकारी पदमा पुगेर यो ब्यबसायको लागि अझै धेरै काम गर्ने योजनाहरु छ। त्यसैले निर्वाचित भए पछि म ब्यबसायीका हक हितको संरक्षण र समस्याहरुको समाघान गर्नु नै मेरो मुख्य प्राथमिकता हुनेछ।

जितको शुभकामना छ तपाईलाई। समयको लागि धन्यबाद।

मलाई मेरो कुराहरु राख्ने मौका दिनु भएकोमा यहालाई धेरै धेरै घन्यबाद।