काठमाडौं, १६ चैत्र २०८२ः
अख्तियार दुरुपयोग अनुसन्धान आयोगले खाद्य प्रविधि तथा गुण नियन्त्रण विभाग बबरमहल, अनुगमन तथा निरीक्षण शाखामा कार्यरत प्राविधिक सहायक सन्जय चौधरीलाई घुससहित नियन्त्रणमा लिएको छ ।
आयोगका अनुसार उद्योग नवीकरण गरिदिने प्रयोजनका लागि सेवाग्राहीसँग घुस मागी दुःख हैरानी दिएको भन्ने उजुरीका आधारमा खटिएको टोलीले चौधरीलाई रु. ३० हजार घुस लिइसकेको अवस्थामा पक्राउ गरेको हो ।
उक्त रकमसहित दुई थान मोबाइल बरामद गरिएको जनाइएको छ । उनलाई विभागको परिसरबाटै नियन्त्रणमा लिइएको हो । घटनाबारे थप अनुसन्धान भइरहेको आयोगका प्रवक्ता सुरेश न्यौपानेले जानकारी दिनुभयो ।
