काठमांडौ, फागुन ५, २०७९ः
भोलि महाशिवरात्रिको दिन शनिवार गौशाला क्षेत्रमा सवारी साधन प्रवेशमा रोक लगाइने भएको छ ।
काठमाडौं उपत्यका ट्राफिक प्रहरी कार्यालयका अनुसार पुरानो बानेश्वर, रातोपुल, कालोपुल, मित्रपार्क, चाबहिल गौरीघाट, तिलगंगा र सिनामंगल क्षेत्रबाट पशुपति क्षेत्र प्रवेशमा रोक लगाइएको छ ।
सवारी साधन पार्किङका लागि ६ ठाउँ तोकिएको छ । जस अनुसार सिफलचौर, गुहेश्वरी पारी, पशुपति क्षेत्र विकास कोषको कार्यालय, भण्डारखाल, तीलगंगा आँखा अस्पताल अगाडि र बनकाली क्षेत्रमा पार्किङको व्यवस्था मिलाइएको ट्राफिक प्रहरीले जनाएको छ ।
