काठमाडौं, ५ फागुन २०८१ः
अन्तर्राष्ट्रिय महिला फुटबल च्याम्पियनसिप प्रतियोगिता अन्तर्गत घरेलु टोलि नेपालले विजयी शुरुवात गरेको छ ।
त्रिपुरेश्वरस्थित दशरथ रंगशालामा भर्खरै सम्पन्न खेलमा नेपालले किर्गिस्तानलाई १-० गोलले हराएको हो । नेपालको जितमा एकमात्र निर्णायक गोल विमला चौधरीले गरिन् ।
उनले खेलको ११ औं मिनेटमा गोल गरेकी हुन् । खेलमा नेपालले दबाब राखेपनि थप गोल गर्न भने सकेन । जितसँगै नेपालले तीन अङ्क जोडेको छ । नेपालले अब अर्को खेल बिहिवार लेबनानसँग खेल्नेछ ।