भक्तपुर, ३१ जेठ २०८२ः
भक्तपुरको सूर्यविनायक नगरपालिका–१, सिरुटारमा जुवा खेलिरहेका ११ जनालाई प्रहरीले पक्राउ गरेको छ। शनिबार साँझ ४ बजे स्थानीय रामप्रसाद राउतको घरमा तास खेल्दै गरेका उनीहरूलाई प्रहरीले छापा मारेर पक्राउ गरेको हो।
महानगरीय प्रहरी परिसर भक्तपुरका अनुसार, उनीहरूबाट ६ बुक तास र नगद १ लाख १० हजार ७ सय ८० रुपैयाँ बरामद गरिएको छ। पक्राउ परेकाहरूमाथि थप अनुसन्धान भइरहेको परिसरले जनाएको छ।