काठमाडौँ, वैशाख २२ गते :
रामचन्द्र पौडेलले वैशाख २८ गतेका लागि संघीय संसद्को अधिवेशन आह्वान गर्नुभएको छ।
मङ्गलबार दिउँसो सिंहदरबारमा बसेको मन्त्रिपरिषद् बैठकको सिफारिसका आधारमा राष्ट्रपतिले उक्त मितिमा दिउँसो २ बजे अधिवेशन बोलाउनुभएको हो।
नेपालको संविधानको धारा ९३ को उपधारा (१) बमोजिम नेपाल सरकार मन्त्रिपरिषद्को सिफारिसमा वैशाख २८ गते सोमबार दिउँसो २ बजे संघीय संसद भवन मा संघीय संसद्को दुवै सदनको अधिवेशन आह्वान गरिएको राष्ट्रपति कार्यालयका प्रवक्ता रितेशकुमार शाक्य ले विज्ञप्तिमार्फत जानकारी दिनुभएको छ।
