हेटौडा, असार १३, २०८०ः
वाग्मती प्रदेशसभा बैठक चार दिनको लागि स्थगित भएको छ । आज बुधबार करिब आधाघण्टा मात्र सञ्चालन भएको प्रदेशसभाको बैठक असार १७ गते बस्ने गरी स्थगित भएको हो ।
प्रतिपक्ष दल एमाले र राप्रपाका अवरोधका कारण प्रदेशसभामा आगामी आर्थिक वर्ष २०८०/०८१ को बजेटमाथि छलफल प्रारम्भ हुन सकेको छैन । बुधबारको प्रदेशसभा बैठकमा राप्रपा प्रदेश संसदीय दलका नेता उद्धव थापाले सम्बोधन गरेसँगै प्रतिपक्ष दल एमालेसहित राप्रपाका सांसदले उठेर सदनमा अवरोध सिर्जना गरेका थिए ।
सांसदको विरोधसँगै सभामुख भुवन पाठकले प्रदेशसभाको बैठक स्थगित गरेका थिए ।