मध्यपुर थिमि, २९ बैशाख २०८२ः
मध्यपुर थिमि नगरपालिका वडा नं. ५, कामेरोटारमा निर्माण हुन लागेको नगरपालिका संघ कार्यालय भवनका लागि सार्वजनिक गरिएको ठेक्काको प्राविधिक प्रस्ताव मूल्यांकन सम्पन्न भएको छ। मूल्यांकनमा छ वटा निर्माण कम्पनीहरू सफल भएका छन्।
ठेक्का नं. MTM/NCB/Works/16/081/082 अन्तर्गत प्राप्त प्राविधिक प्रस्तावहरू मध्येको मूल्यांकनमा सफल ठहरिएका कम्पनीहरू यस्ता छन्:
महागौरी-नव निर्माण जे.भी., थिमी, भक्तपुर
सबिरा कन्स्ट्रक्सन, काठमाडौं
बाबु रत्न कन्स्ट्रक्सन, खपिन्छेन, ललितपुर
आर.एस.-जेसिका जे.भी., नयाँ बानेश्वर, काठमाडौं
अर्बिट/हन्स जे.भी., चाबहिल, काठमाडौँ
ईकोभस कन्स्ट्रक्सन प्रा.लि., टारकेश्वर, काठमाडौं
प्राविधिक प्रस्ताव छनोट भएसँगै, यी कम्पनीहरूले पेश गरेका आर्थिक प्रस्तावहरू जेठ ५ गते दिनको १ बजे मध्यपुर थिमि नगरपालिकाको कार्यालयमा सार्वजनिक रूपमा खोलिनेछ।
नगरपालिकाका अनुसार संघको आफ्नै कार्यालय भवन निर्माणले प्रशासनिक सेवा प्रवाहलाई थप प्रभावकारी र व्यवस्थित बनाउनेछ। स्थानीय तहको सुदृढीकरण र सहकार्यका लागि यो भवन महत्वपूर्ण आधार बन्ने अपेक्षा गरिएको छ।
