मध्यपुर थिमि
बरिष्ठ पत्रकार नारायण किलम्बु ‘हरिलाल–श्रीलक्ष्मी स्मृति पत्रकारिता पुरस्कार’ बाट सम्मानित भएका छन्।
नेवाः पत्रकार राष्ट्रिय दबूको पाँचौँ अधिबेशन तथा १२ औँ साधारणसभाका अवसरमा पत्रकार किलम्बु पुरस्कृत भएका हुन् । उनलाई प्रतिनिधिसभा सदस्य मदनकृष्ण श्रेष्ठले सम्मानपत्र सहित रु १० हजार राशि प्रदान गरे ।
उनलाई भक्तपुरको कला, संस्कृति र सम्पदाको संरक्षण तथा मुलुकको शिक्षा क्षेत्रमा पुर्याएको योगदानको कदरस्वरुप पुरस्कार प्रदान गरिएको हो । उक्त पुरस्कार राष्ट्रिय समाचार समितिका फोटो पत्रकार रत्नकृष्ण श्रेष्ठले आफ्ना माता–पिताको सम्झनामा स्थापना गरेका हुन् ।