ख्वप, कृष्ण प्रजापति।
कोरोना महामारीया कारणं थगुने व नगुने दिपा काःगु सम्यक महादान पर्व ख्वपय् म्हिगः हाम्व संत्रफन्तिकुन्हु तःजिक न्ह्यात । दँय् दसं ख्वपय् न्याम्ह दीपंकरयात बुरांख्यलय् बिज्याकाः हाम्वः संत्रफन्तिकुन्हु सम्यक महादान पर्व न्यायेका वयाच्वंगु खः । नेपाल संवत ७८७ सालं जयदेव बज्राचार्यं ३६० रोपनी जग्गा नापं जयकीर्ति महाविहार थथुबही पुनः स्थापना यानालिं आः तकं नियमित रुपं दँय्दसं थुगु महादान पर्व न्यायेका वयाच्वंगु अनुसन्धानकर्ता सुरेशज्योति शाक्यं कनादिल ।
अन थुगुसी भिफ्न्यांसः दँ पुलांगु मुच्छलिन्द नागं कुइकाच्वंगु ध्यान मुद्राय् दुगु अति दुर्लभ बुद्धया मूर्ति ख्वप नगरपालिकाया मेयर सुनिल प्रजापतियात दर्शन याकेगु ज्या नं जूगु खः । उगु मूर्ति नेपाःया भ्वँत, ख्वप नापं अपफ्गानीस्तान, पाकिस्तान व गिलगित पर्वतय् जक दुगु धाःगु दु ।
थुगुसी निदँ लिपा सम्यक महादान न्ह्याःगुलिं ख्वपया आपालं सर्वसाधारणं दान प्रदानय् ब्वति काःगु खः । न्याम्ह सम्यक द्यः ख्वपया अजाजु द्यःत नापं जयदेवया सन्तान दरसन्तानतय्गु मूर्ति नं ब्वयाः उगु सम्यक न्यायेकूगु खः । सम्यक न्यायेके धुंकाः न्याम्ह दीपंकरयात नःपुखूया पूर्वय् च्वंगु पाः ल्वहं तक लँस्वयालिं थः थःगु बिहारय् वनेगु कथं बायेकूगु खः ।