गुलि बाँला गुलि बॉला झीगु मध्यपुर
छकला सो झासँ मनँयाना सुर
देगः कलाकृति थन होयाचोंगु दु
साक्क भिक नयेत थी थी नसा दु
कुम्हाया घःचानँ थीथी भारा छी
नरमिया बुईबुई थीथी वाउँचा सई
जुगि दाजु सुथः बहनि द्यःयासेवा याई
सायमि दाजु सालय थन चिकँ काकेउ याई
बोडे पासाँ न्हियान्हियँ धौ फिईगु याई
यें यल थीथी थासय धौया बने याई
टिगनिया बजि नयेगु माकु सवाः वई
मल्ता लैं ख्वाकः ल्वसा गुलि जक साई
मनोहरा हनुमन्ते निपु खुसि न्हयाई
थनया चाभुँई प्याःचाः लँका बिई
पौरख व गौरब दुगु झीगु मध्यपुर
छकला स्वःझासँ कोति बिन्ति दु
हर्लिंमय नाँ जागु बिस्का जात्रा दु
गननँ मदुगु म्ये प्वाःखनिगु जात्रा दु
पाँहापिन्त द्यःथें माने यायेगु चलननँ दु
छकला सो झासँ लसकुस दु